Мемлекет басшысы Қасым-Жомарт Тоқаев Төтенше жағдай жөніндегі мемлекеттік комиссияның отырысында 55 жастан асқан адамдардың жұмысқа шығуын барынша шектеуді тапсырды.
«Медициналық жүйеге ең көп жүктеме мен өлім-жітімді «тәуекел тобы» деп аталатын тұлғалар көрсетеді. Бұл 55 жастан асқан және созылмалы аурулары бар адамдар. Олардың жұмысқа шығуын барынша шектеу және үйде оқшаулау режимін қамтамасыз ету керек», деді Президент.